اوعوا تمسكوا الخشب

السبب فى كتابة هذه الرسالة انى كنت فى حوار مع زميلة انجليزية

وبعدين باقول لها :


الشغل هادى النهارده

قالت لى : تاتش وود ( امسك الخشب )

وطبعا العبارة دى هم بيرددوها كتير زينا

بس هى سألتنى: انتم عندكم اكيد بتقولوا حاجه بدلها

قلت لها: لأ..بنقولها هى هى

قالت لى : بتقولوا امسك الخشب برضه ؟

قلت لها: آه...

قالت: المسلمين بيقولوا (امسك الخشب)؟؟؟؟ معقوله؟؟؟؟



استغربت انها مستغربة أوى كده...

قالت لى: أصل الخشب ده المقصود بيه الصليب..خشب الصليب...



كانت اول مرة اعرف المعلومة دى فحبيت انقلها لكم لو ماكنتوش عارفينها..وبرجاء نشرها..علشان اللى مش عارف يعرف..



بدل ما احنا طول النهار عمالين نغنى:

امسكوا الخشب يا حبايب..امسكوا الخشب....

لاحسن نتحسد يا حبايب...امسكوا الخشب...

ويا ريت نعرف أصل كل حاجه بنقولها...بدل ما احنا كده بنردد تراث الغيرملحوظة :

فضلاً عن ذلك أن كلمة امسكوا الخشب إذا كان المقصود بها دفع الضر أو دفع الحسد فهذا مخالف لعقيدة المسلمين الصحيحة


لأنه لا يحمي الإنسان إلا الله ولا يمنع الضر إلا الله ولا ينفع إلا الله
فأي شيئ مادي أو غيبي يتم الاستغاثة به من دون الله ، كخشب أو حجاب أو تعليق كف أو حدوة حصان أو الاحتماء بقبر أحد الصالحين ، كل هذا يعتبر من الشركيات


فالأولى الاستغاثة والاستعاذة بالله


وصدق الله حيث قال ' فالله خيرٌ حافظاً وهو أرحم الراحمين ' .



أرجوكم لا تمسكو الخشب


منقول

والله انا بقول الاعمال بالنيات يعنى مثلا انا معرفش المعلومه يبقى اكيد ربنا بيسامحنى مش بردوا ان الله غفور رحيم

شكرااا على الموضوع الرائع

شُــكراً علي المعلومة المُهِمة...بس أنا الحمد لله مش بقولها

معلومة فى منتهى الافادة وانا مع الاخ احمد

الله يبعدنا عن هذه الاخطاء شكرا على المجهود

احمد كتب:

والله انا بقول الاعمال بالنيات يعنى مثلا انا معرفش المعلومه يبقى اكيد ربنا بيسامحنى مش بردوا ان الله غفور رحيم

عندك حق,’,’,

احسنت عندما حبيتي تنقلي ها لنا

و شكرا لك