,وصفات للاكلات الموفره

صباح الخير علي كل الفتوكات الحلوين انا امبارح كنت مع شويه فتوكات بنتكلم علي الايد المخرومه وغلو الاسعار وايه الي نقدر نعمله عشان نقدر نوفر شويه في النفقات وخصوصا المتغربين ولغايه دلوقتي مش عارفين يشيلو قرش للزمن ففكرنا نعمل شويه اكلات موفره عشان الامور تمشى وفي نفس الوقت بتكون حاجات ظريفه
ودي شويه وصفات بسيطه يارب تعجبكم
الكفته بالبصل
1\2 ك لحمه مفرومه حمراء 2بصله كبيره وحزمه بقدونس 1\2 حزمه شبت و3 فصوص ثوم مكلبظين ورغيف عيش فينو صغير تبليه بشويه ميه وتعصوريه كويس وممكن بداله 2 معلقه كبيره بقسملط ناعم وملح وفلفل وبهارات وهوب تفروميهم مع بعضهم في الفود بروسيسور وتكون ناعمه عشان تكون سهله في التصبيع وتصبعيها علي اي معلقه خشب او ايد الفتاحه او مسن السكاكين المهم علي اي حاجه اسطوانيه مش تخينه حيطلعوا معاكي 22 صوباع لو شوي ولو بانيه يطلعو 30 كفتايه وبالهنا والشفا
الفراخ الصيني
1\2 كيلو صدور او وراك مخليه زي ماتحبو و3\4 كيلو فلفل الوان و3بصله كبيره كل ده متقطع جوانح تجيبي الفراخ تقطعيها وتشوحيها في الزبده وتطلع ميتها وتشربها وتكون 3\4 سوي وبعد كده يا قمرات ننزل عليهم البصل والفلفل وبعد مايتشوحو مع بعض ونحط عليهم 3معلق صويا صوص غامق واحسن نوع هاينز وملح وفلفل بس وممكن تعملي معاهم ارز بسمتى او مكرونه مسلوقه وعليها فتفوته زبدة وبالهنا والشفا
الحواوشييييييييييي الفظيع
1\2 كيلو لحمه مفرمه كندوزعليها ربع ضاني مفروم او3\4 كيلو ضاني مفروم او
1 \2 كندوزمفروم عليه حته ليه محترمه مبشوره
1\2 ك بصل و1\2 ك فلفل رومي مفرمين فرم خفيف مش ناعم عشان ماينزيلوش ميه و2طماطم متوسطين مبشورين علي الناحيه الواسعه وطبعا ملح وفلفل وبهارات بصي بقي يا سيتي تعملي الخلطه الاول لوحدها وتقلبيها كويس وبعد كده تحطيها عالحمه وتقلبيها كويس بالشوكه بس وتسيبيهم حوالي 3او4 ساعات وبعدكده تحشي العيش بيه وتكون طبقه اللحمه مش سميكه اوي في العيش عشان تستوي كويس وممكن يكون العيش انصاص او ارغفه كامله حسب الرغبه المهم تدهني صينيه سمن او زيت يكون اخف وتحطي العيش بعد الحشو في الصينيه طبعا مش فوق بعض جنب بعض وتحطي في الفرن وتكون الشبكه بتاعت الفرن محطوطه عالصاجه بتاعت الفرن وكل تقريبا 5دقائق تقلبيه لما تلاقي الناحيه الي عالصانيه حرمشت شويه تقليه وتبلي ايدك وتمسحي عليه وتقريبا تكرري العمليه دي 4مرات وانشاء الله يكون استوي وبالهنا والشفا
يارب الوصفات تعجبكم ومستنيه ردودكم وتقيماتكم وانشاء الله حكمل الوصفات